މާފަންނު ބޮޑުގޭގައި ހަދާ ޕާކިން ޒޯންގެ އަރިމަތީ ފާރުގައި ހިލޭ ސާބަހަށް ކުރަހައިދޭނެ ފަރާތްތެއް ހޯދުމުންދާ ކަމަށް މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

މޭޔަރު މުއިއްޒު ކުރެއްވި ޓްވީޓްގައި ވިދާޅުވެފައިވަނީ މ. ބޮޑުގޭގައި ހުސްކޮށް އޮތް ބިމުގައި ހަދާ ޕާކިން ޒޯންގެ އަރިމަތީ ފަރާތުގައި ރާއްޖޭގެ ރީތިކަން ދައްކައިދޭފަދަ އިސްލާމީ ވަންތަަކަން ރަމްޒުކޮށްދޭ ކުރެހުމެއް ހިލޭ ސާބަހަށް ކުރައިދޭނެ މީހަކު ބޭނުންވާ ކަމަށެވެ. އަދި މިކަމަށް ސައުގުވެރިކަން ހުރި މީހަކު ނަމަ އަންގައިލަދެއްވުން އެދޭ ކަމަށް މޭޔަރު ވިދާޅުވި އެވެ.

ބޮޑުގޭގެ ޕާކިން ޒޯނެއް ހެދުމުގެ މަސައްކަތް މާލެ ސިޓީ ކައުންސިލުން ދަނީ ކުރަމުންނެވެ.