ހެންވޭރުގައި ހުންނަ ގެޔަކުން މަރުވެފައި އޮތް މީހެއް ފެނިއްޖެ އެވެ.

ފުލުހުން ބުނީ މަރުވެފައި އޮއްވާ ފެނިފައިވަނީ އުމުރުން 83 އަހަރުގެ ދިވެހި ފިރިހެނެއް ކަމަށެވެ.

އޭނާ މަރުވެފައި އޮއްވާ ފެނިފައިވާކަމުގެ މައުލޫމާތު ލިބުނީ މިއަދު މެނދުރު 2:30 ހާއިރު ކަމަށް ވެސް ފުލުހުން ބުނެ އެވެ. އަދި އެކަމާ ގުޅިގެން ބަލަންޖެހޭ ކަންކަން ފުލުހުން ބަލަމުން އަންނަ ކަމަށްވެސް ފުލުހުން ވަނީ ބުނެފަ އެވެ.

މިއަދު ހެންވޭރު ގެޔަކުން މީހަކު މަރުވެފައި އޮއްވާ ފެނުނު އިރު ދާދިފަހުން މއ. އާފަލުގޭގައި ވެސް މަރުވެ ކުނިވެފައި އޮތް ދިވެހި ފިރިހެނެއްގެ ހަށިގަނޑު ވަނީ ފެނިފަ އެވެ.