މިހާރު ކުރިއަށްދާ އީރާން - އިޒްރޭލް ހަނގުރާމައިގައި ބޮލީވުޑްގެ ތަރި ނޯރާ ފަތޭހީ ސަލާމަތުން ހުރި ކަމުގެ ޔަގީންކަން އޭނާ އާއްމުންނަށް ދީފި އެވެ.

މިދިޔަ އާދީއްތަ ދުވަހު ނޯރާގެ އިންސްޓަގްރާމް މެދުވެރިކޮށް ހިއްސާކުރި ޕޯސްޓެއްގައި އޭނާ ބުނީ މިވަގުތު އޭނާ ހުރީ އިންޑިއާގައި ކަމަށާއި ހަނގުރާމައިގެ ސީދާ އަސަރެއް އޭނާއަށް ނުކުރާ ކަމަށެވެ.

އެހެން ނަމަވެސް ހަނގުރާމައިގެ ނުތަނަވަސްކަން ލިބިފައިވާ ކަމަށާއި އެކަމުގެ ސަބަބުން އާއްމު ރައްޔިތުންނަށް ކުރަމުންދާ އަސަރުތަކާމެދު ކަންބޮޑުވާ ކަމަށް ނޯރާ ބުނެފައިވެ އެވެ.

https://www.instagram.com/reel/DVVyoMWjJK5/?utm_source=ig_embed&ig_rid=34d3a980-e6e0-4879-82d3-6958ca7367fd

" އަހަންނަށް އެނގޭ ކޮންމެ ދުވަހަކު ވެސް މީހުން ތިބޭނީ މާދަމާ ވާނެ ގޮތަކާމެދު ބިރުން ކަން. ކަންތައްތައް ހިނގަމުންދާ ގޮތުން ކުށެއް ނެތް ފުރާނަތައް ގެއްލޭތީ ހިތާމަކުރަން" ނޯރާ ބުންޏެވެ.

އެއާއެކު ނޯރާ ވަނީ ސުލްހަވެރިކަމަށް ގޮވާލައި އާއްމު ރައްޔިތުންގެ ސަލާމަތާއި ރައްކާތެރިކަން އިސްކުރުމަށް ގައުމުތަކުގެ ވެރިންނަށް ގޮވާލާފަ އެވެ.

ނޯރާއަކީ އާއްމު ގޮތެއްގައި ދުބާއީގައި އޭނާގެ ދިރިއުޅުން ހޭދަކުރާ ތަރިއެކެވެ. ހަނގުރާމައިގައި އީރާނުން ދުބާއީގެ ބައެއް ސަރަހައްދުތަކަށް ހަމަލާ ދިނުމާއެކު ދުބާއީގެ ވައިގެ ދަތުރުފަތުރު ވަނީ މެދުކެނޑިފަ އެވެ.