ބަރަކާތްތެރި ރޯދަމަސް ގާތްވަމުން އަންނައިރު، މިއީ އޯގާތެރިކަމާއި، ހެޔޮ އަމަލުތަކުގެ ސަވާބު އެތައް ގުނައަކަށް އިތުރުވެގެންދާ މޫސުމެކެވެ. މި ފުރުސަތުގައި، އެހީތެރިކަމަށް ބޭނުންވެފައިވާ ފަރާތްތަކަށް ސަދަގާތް ފޯރުކޮށްދިނުމަށް ބޭނުންވާ ފަރާތްތަކަށް މަގުކޮޅު ހޮޓަލުން މިވަނީ ހާއްސަ ހިދުމަތެއް ހުޅުވާލާފަ އެވެ.

ހެންވޭރުގެ މެދުތެރޭގައި ހުންނަ މި ހޮޓަލުން ވަނީ ސަދަގާތް ކެއުން ތައްޔާރުކޮށްދިނުން މިރޯދަމަހު ވެސް ކުރިއަށް ގެންދަން ނިންމާފަ އެވެ. މި ހަރަކާތުގެ މައިގަނޑު މަގުސަދަކީ ސަދާގާތުގެ ގޮތުގައި އެހީތެރިކަން ފޯރުކޮށްދޭން ބޭނުންވާ ފަރާތްތަކަށް އެކަން ފަސޭހައި ކުރެވޭނެ އިންތިޒާމް ހަމަޖައްސައި މާލެ އަދި ހުޅުމާލޭގައި ދިރިއުޅޭ ނިކަމެތި މުސްލިމް ބިދޭސީންނާއި އެހެނިން ފަރާތްތަކަށް ރޯދަވީއްލާ ގަޑިގައި އެކަށީގެންވާ މީރުކެއެމެއް ފޯރުކޮށްދިނުމެވެ.

ގިނަ ބަޔަކަށް ރޯދަމަހަކީ އެންމެ ކުޑަ ސަދަގާތެއްގެ ސަވާބުވެސް އެތައް ގުނައަކަށް ދަރުމަ އިތުރުވެގެންދާ މަހެކެވެ. މަގުކޮޅު ހޮޓަލުން މަސައްކަތް ކުރަނީ މި ހެޔޮ ނިޔަތްތައް ހަގީގަތަކަށް ހަދައިދިނުމުގެ އެހީތެރިވެދިނުމެވެ.

"އަޅުގަނޑުމެންގެ އަމާޒަކީ ތިޔަބޭފުޅުންގެ ސަދަގާތަކީ އެންމެ ފުރިހަމަ ގޮތުގައި، އިތުބާރާއެކު ކުރިއަށްދާ ކަމެއްކަން ކަށަވަރުކުރުން" މަގުކޮޅު ހޮޓަލުގެ ޓީމުން ބުންޏެވެ. މިގޮތުން ކެއުން ތައްޔާރުކުރުމާއި، އެ ތަކެތި ފޯރުކޮށްދޭންޖެހޭ ފަރާތްތަކަށް ބަރާބަރު ގަޑިއަށް ފޯރުކޮށްދިނުމުގެ ހުރިހާ ކަމެއް އަޅުގަނޑުމެން ކޮށްދޭނަން،" އެ ތަނުގެ އޮފިޝަލަކު ވިދާޅުވި އެވެ.

ހިދުމަތް ކުރިއަށްދާނެ ގޮތް: ބަދިގެއިން ސަދަގަތްދޭ ފަރާތުން ބޭނުންވާތަނަކަށް

މި ހިދުމަތް ފަރުމާކޮށްފައިވަނީ ސަދަގާތްކުރާ ފަރާތްތަކަށް ވީހާވެސް ލުއި ފަސޭހަވާނެ ގޮތަށެވެ. މިގޮތުން ކެއުންތައް މައިގަނޑު ގޮތެއްގައި ފޯރުކޮށްދެވޭނީ ދެ ތަނަކަށެވެ.

މިސްކިތްތަކަށް: ރޯދަވެރިންނަށް ޖަމާއަތުގައި ރޯދަވީއްލުމުގެ ފުރުސަތު ދިނުމަށް.

ބިދޭސީން ދިރިއުޅޭ ތަންތަނަށް: އަމިއްލައަށް ކެއުން ތައްޔާރުކުރުމުގެ ވަސީލަތްތައް މަދު މަސައްކަތްތެރިން ދިރިއުޅޭ ތަންތަނަށް ސީދާ ފޯރުކޮށްދިނުމަށް.ކޮންމެ ދުވަހެއްގެ ކެއުމަކީވެސް އެ ދުވަހަކު ތައްޔާރުކުރެވޭ ތާޒާ، ރަނގަޅު އަދި މީރު ކެއުންތަކަކަށްވާނެ އެވެ.

ހިދުމަތުގެ މުހިންމު ތަފްސީލް:

ހިދުމަތް ދޭ ސަރަހައްދު: މާލެ އަދި ހުޅުމާލޭގެ ކޮންމެ ސަރަހައްދަކަށް ވެސް ޑެލިވަރީ ކޮށްދެވޭނެ.

ޕްރީ- އޯޑަރު: ރޯދަމަހުގެ ތާވަލު ރޭވުމަށްޓަކައި މިހާރު އޯޑަރު ބަލައިގަންނަން ވަނީ ފަށައިފަ އެވެ.

ކޮލިޓީ: ހުރިހާ ކެއުމެއް ވެސް ތައްޔާރުކުރާނީ ރޯދަވީއްލާ ގަޑިއަށް "ތާޒާކޮށް އަދި ހޫނުކޮށް" ހުންނަ ގޮތަށެވެ. މި ރޯދަމަހު، ދިރިއުޅުމުގެ ބުރަކަމުގެ ތެރެއިން ސަދަގާތް ކުރުމުގެ މަތިވެރި ސަވާބުން މަހްރޫމް ނުވާށެވެ. ސަދަގާތަކީ އެމީހަކަށް ލިބުނު މިންވަރަކުން ކުރާ ކަމަކަށް ވާހިނދު މަގުކޮޅު ހޮޓަލުން ނޫން ގޮތަކަށް ވެސް މިކަން ކުރުން މުހިންމެވެ.

ރާއްޖޭގައި މަސައްކަތްކުރާ މުސްލިމް އަޚުންނަށް ސަދަގާތުގެ ގޮތުގައި އެހީތެރިވުމަށް ބޭނުންވާ ފަރާތްތަކަށް މަގުކޮޅު ހޮޓަލުން އެހީތެރި ވެދޭނެ އެވެ. މިގޮތުން ތަފާތު ބަޖެޓްތަކަށް ފެތޭގޮތަށް މަގުކޮޅު ހޮޓަލުން ވަނީ 4 ވައްތަރުގެ ސަދަގާތް ޕެކޭޖް ތައާރަފުކޮށްފަ އެވެ.

ސަދަގާތް ޕެކޭޖެއް ބުކް ކުރެއްވުމަށް: މެނޫ ބައްލަވާލެއްވުމަށާއި ޕްރީ- އޯޑަރު ކުރެއްވުމަށް މަގުކޮޅު ހޮޓަލުގެ ނަންބަރު 7761010 އަށް ގުޅުއްވާށެވެ.