އެޗްޑީސީގެ މެނޭޖިން ޑިރެކްޓަރު ކަމަށް އާރްޑީސީގެ މެނޭޖިން ޑިރެކްޓަރު ކަމުގައި ހުންނެވި އަލީ ޒުހައިރު އައްޔަންކޮށްފިއެވެ.

އެޗްޑީސީގެ އެމްޑީ ކަމުގައި ހުންނެވި މުހައްމަދު މައުރޫފް ޖަމީލް ވަނީ ސަރުކާރުން ޕްރެޝަރުކުރުމުން މިއަދު މަގާމުން އިސްތިއުފާދެއްވާފަ އެވެ.

އޭނާ މަގާމުގައި ހުރެގެން ލޯކަލް ކައުންސިލް އިންތިހާބު ކާމިޔާބު ނުވާނެ ކަމަށް ޕީއެންސީގެ ބައެއް އިސް ބޭފުޅުން ވަނީ ވިދާޅުވެފަ އެވެ.

ޒުހައިރަކީ 30 އަހަރު އެމްއެންޑީއެފްގައި ހިދުމަތް ކުރައްވާފައިވާ ބޭފުޅެކެވެ. ސިފައިންގެ ވެލްފެއާ ކުންފުނި، ސިވެކްގެ ޗެއާމަންކަން ވެސް އޭނާ ވަނީ ކުރައްވާފަ އެވެ.