ހުޅުމާލޭގެ ފޭސް 1 ގައި ހުންނަ ގެސްޓްހައުސްއެއްގެ ތެރޭގައި މަރުވެފައި އޮތް މީހަކު ފެނިގެން ފުލުހުން އެ ސަރަހައްދުގައި ހަރަކާތްތެރިވާން ފަށައިފި އެވެ.

މަރުވެފައި އޮއްވައި ފެނިފައިވަނީ, މާލެ / ސްޓާ، މުޙައްމަދު ރަޒީން, 50, އެވެ.

ފުލުހުން މިއަދު މީޑިއާތަކަށް މައުލޫމާތު ދީފައިވާ ގޮތުގައި، މި ހާދިސާގެ ރިޕޯޓު ލިބިފައިވަނީ މިއަދު މެންދުރުގެ ވަގުތެއްގަ އެވެ. މަރުވެފައި އޮތް މީހާ ފެނިފައިވަނީ ހުޅުމާލޭ ފޭސް 1 ގައި ހުރި ގެސްޓްހައުސްއެއްގެ ތިންވަނަ ބުރީގެ ކޮޓަރިއެއްގެ ތެރެއިންނެވެ.

މި ހާދިސާއާ ގުޅިގެން ބަލަންޖެހޭ ކަންކަން ބަލައި، ފުލުހުން ދަނީ އެ ސަރަހައްދުގައި އިތުރަށް ތަހުގީގު ހިންގަމުންނެވެ.