ރާއްޖޭގެ ރަށެއްގައި ފިޔާތޮށި ކުލަ ލާފައި ހުރި ރުކެއް އެރަށުގެ އެމްޑީޕީ ސަޕޯޓަރުންތަކެއް ނުކުމެ ކަނޑާލައިފި އެވެ.

އެ ރަށް ކަނޑާލި ވީޑިއޯ ސޯޝަލް މީޑިއާގައި އަންނަނީ ދައުރުވަމުންނެވެ. ކަރަންޓު ކީހަކުން އެ ރުށް ކަނޑާލުމަށްފަހު ﷲ އަކްބަރު ކިޔައި އެމްޑީޕީގެ ސަޕޯޓަރުން އަޑުއުފުލަ އެވެ.

މިކަމާ ގުޅިގެން ގިނަ ބައެއްގެ ފާޑުކިޔުންތަކެއް އަމާޒުވެފައި ވަނިކޮށް، އެމްޑީޕީން މިރޭ ކުރި ޓްވީޓެއްގައި ވަނީ އެފަދަ އަމަލުތައް ހިންގުމަކީ އެ ޕާޓީން އެއްވެސް ވަރަކަށް ހިތްވަރު ދޭނެ ކަމެއް ނޫން ކަމަށެވެ.

އެމްޑީޕީން ވަނީ އެ ޕާޓީގެ އެއްވެސް މެމްބަރަކު އަދި އެ ޕާޓީއަށް ތާއީދު ކުރާ އެއްވެސް ފަރާތަކުން އެފަދަ އަމަލެއް ނުހިންގުމަށް އަންގާފަ އެވެ.