ފިތުރު އީދު ދުވަހަކީ ބުދަ ދުވަސް ކަމުގައި މިނިސްޓްރީ އޮފް އިސްލާމިކް އެފެއާޒުން ކަނޑައަޅައިފި އެވެ.

ޑރ. މޫސާ އަންވަރު ހަސަން މިރޭ އިއްވި ހަނދާ ބެހޭ ބަޔާނުގައި ވަނީ ރާއްޖޭގެ އެއްވެސް ހިސާބަކަށް މިއަދު ހަނދު ފެނިފައިނުވާ ކަމަށެވެ. އަދި އިސްލާމީ އެއްވެސް ގައުމަކަށް ހަނދު ފެނިފައިވާ ކަމުގެ އެއްވެސް މައުލޫމާތެއް އިތުބާރު ހުރި ފަރާތަކުން ލިބިފައިނުވާ ކަމަށް ވެސް އެ ބަޔާނުގައިވެ އެވެ.

އެހެންކަމުން މާދަމާ އަކީ ރޯދަ މަހުގެ ފަހު ދުވަހެވެ.

ސައުދިއަރަބިއާ އަށް ވެސް ހަނދު ފެނިފައިނުވާތީ މާދަމާ އަކީ ރޯދަ މަހުގެ 30 ވަނަ ދުވަސް ކަމަށް ވަނީ ކަނޑައަޅާފަ އެވެ