ޗައިނާއިން ރާއްޖެއަށް ހަދިޔާކުރި 1،500 ޓަނުގެ ބޯފެން ރާއްޖެ ގެނެސްފި އެވެ.

ފިނޭންސް މިނިސްޓްރީން މިއަދު ބުނީ މިއީ ޝީޒަން އޮޓޮނޮމަސް ރީޖަންގެ ޗެއާމަން މިދިޔަ ނޮވެމްބަރު މަހުގެ ތެރޭ ރާއްޖެއަށް ކުރެއްވި ރަސްމީ ދަތުުރުފުޅުގެ ތެރެއިން ހަދިޔާކުރައްވަން ނިންމެވި ޝިޕްމަންޓެއް ކަމަށެވެ.

ޗައިނާ އިން ހަދިޔާ ކުރި 1،500 ޓަނުގެ ޝިޕްމަންޓް މިހާރު ވަނީ ރާއްޖެ ގެނެސްފަ އެވެ.

މި ފެން ބޭނުންކުރާނީ ރަށްރަށަށް ފެނުގެ ދަތިކަން ދިމާވާ ހާލަތެއްގައި އެ ރަށަކަށް އެހީގެ ގޮތުގައި ފޯރުކޮށްދިނުމަށް ކަމަށް ޗައިނާ އިން ބުނެފައިވެ އެވެ.

މިއީ ފިނި ގަދަ ސަރަހައްދުތަކުގެ ގަނޑުފެނުން އުފައްދާ ފެނެވެ. ޝީޒަންގް އޮޓޮމަސް ރީޖަންގައި އަގު ބޮޑު ޕްރިމިއަން ބްރޭންޑްތަކުގެ ފެން އުފައްދަ އެވެ.