ރާއްޖޭގެ އިގްތިސޯދީ ސަރަހައްދަށް ވަދެ އުޅުނު މަސްބޯޓެއް އެމްއެންޑީއެފް ކޯސްޓްގާޑުން އަތުލައިގެންފިއެވެ.

އެމްއެންޑީއެފް އިން ބުނީ އެ ބޯޓު މިހާރު އޮތީ ގޯސްޓްގާޑުގެ ބެލުމުގެ ދަށުގައި ކަމަށެވެ. ނަމަވެސް އެއީ ކޮން ގައުމެއްގެ ބޯޓެއް ކަމެއް އެމްއެންޑީއެފް އިން ހާމައެއް ނުކުރެއެވެ.

މިދިޔަ އަހަރުގެ ތެރޭގައި ރާއްޖެ ސަރަހައްދަށް ގަވާއިދާ ޚިލާފަށް ވަދެ އުޅުނު ލަންކާގެ މަސް ބޯޓަކުން ބިލިއަން ރުފިޔާއަށް ވުރެ އަގު ހުރި މަސްތުވާތަކެތި ވަނީ އަތުލައިގެންފަ އެވެ.

ރާއްޖޭގެ އިގްތިސޯދީ ސަރަހައްދަށް ބޭރު ގައުމުތަކުގެ މަސްބޯޓްތައް ވަދެ އުޅެނިކޮށް ފަހަކަށް އައިސް ކޮންމެ އަހަރަކު ކޮންމެ ވެސް ވަރަކަށް އަތުލައިގަނެ އެވެ.