މާލޭގެ ގެއެއްގައި ގެންގުޅުނު ބިދޭސީ މެއިޑަކު އެގޭގެ ތުއްތު ކުއްޖަކަށް އަނިޔާކުރި މައްސަލައިގައި ހައްޔަރުކޮށްފި އެވެ.

އިންޑިއާއަށް ނިސްބަތްވާ އެ އަންހެން މީހާ ތުއްތު ކުއްޖާއަށް އަނިޔާކުރާ މަންޒަރު ފެންނަ ވީޑިއޯ ސޯޝަލް މީޑިއާގައި ވަނީ އާންމުވެފަ އެވެ.

އެ ވީޑިއޯއިން ފެންނަ ގޮތުގައި ތުއްތު ކުއްޖާ ނިންދަވަން އެނދުމަތީގައި އިނދެ އެ ކުއްޖާގެ ގައިގައި އެ އަންހެން މީހާ ބާރަށް ޖަހަ އެވެ.

އެނގިފައިވާ ގޮތުގައި އެ މެއިޑަކީ އެ ކުއްޖާ ބަލަން ގެންގުޅުނު މީހެކެވެ. އަދި އެ މައްސަލައިގައި އެ އަންހެން މީހާ ވަނީ ހައްޔަރުކޮށްފަ އެވެ.