ފާއިތުވި 24 ގަޑިއިރުގެ ތެރޭގައި ނެގި 1،728 ސާމްޕަލުން އިތުރު 26 މީހަކު ކޮވިޑަށް ޕޮޒިޓިވް ވެއްޖެ އެވެ.

މިއަދު ޕޮޒިޓިވްވި މީހުންގެ ތެރެއިން 23 މީހުންނަކީ މާލެއިން ޕޮޒިޓިވްވި މީހުންނެވެ. ބާކީ ތިބީ އަތޮޅު ތެރެއިން ޕޮޒިޓިވްވި މީހުންނެވެ.

ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު މިހާރު ވަނީ 13،274 އަށް ވަނީ އަރާފަ އެވެ.

މި ބަލިން ރަނގަޅުވި މީހުންގެ ޖުމުލަ އަދަދަކީ 12،591 އެވެ. އޭގެ މިއަދު އެކަނި ވެސް 104 މީހުން މި ބަލިން ރަނގަޅުވެފައިވެ އެވެ.

މިހާތަނަށް މިބަލީގައި މަރުވި މީހުންގެ އަދަދަކީ 47 އެވެ.