PPM ge council ge 17 gondi ah 104 candidate in, Votelun mirey

ޕީޕީއެމްގެ ކައުންސިލަށް މެމްބަރުން ހޮވުމަށް ބާއްވާ އިންތިހާބު މިރޭ އޮންނާނެ ކަމަށް އެ ޕާޓީން ބުނެފި އެވެ.

މި ިއންތިހާބު ބޭއްވުމަށް ހަމަޖެހިފައިވަނީ މިރޭ ބޭއްވުމަށް ހަމަޖެހިފައިވާ އެޕާޓީގެ ކައުންސިލް ބައްދަލުވުމުގަ އެވެ.

ޕާޓީގެ ކައުންސިލްގެ 17 ގޮނޑިއަކަށް މެމްބަރުން ހޮވުމަށް ހަމަޖެހިފައިވެ އެވެ. އޭގެ ތެރޭގައި އަންހެނުންނަށް ހާއްސަ 5 ގޮނޑިއާއި އަދި އަންހެނުންނަށާއި ފިރިހެނުންނަށްވެސް ހާއްސަކޮށްފައިވާ 12 ގޮނޑި ހިމެނެ އެވެ. މި 17 ގޮނޑިއަށް 104 ކެންޑިޑޭޓުން ކުރިމަތިލާފައިވެ އެވެ.

ކައުންސިލަށް މެމްބަރުން އިންތިހާބު ކުރާނީ ކުރިމަތިލާ މީހުންގެ ތެރެއިން މި ވަގުތު ތިއްބެވި މެމްބަރުންގެ މެދުގައި ނަގާ ސިއްރު ވޯޓަކުންނެވެ.

ކައުންސިލްގައި ހިމެނިވަޑައިގަންނަވަނީ ޕާޓީގެ ލީޑަޝިޕާއި ރައްޔިތުންގެ މަޖިލިހުގެ މެމްބަރުންނާއި ކައުންސިލްތަކުގެ މެމްބަރުންނާއި ބައެއް މަގާމުތައް ފުރުއްވާ ބޭފުޅުންނެވެ.