ފުޓުބޯޅައިގެ ބޮޑު އީދުގެ ތައްޔާރީތައް

ދުނިޔޭގެ އެންމެ ބޮޑު ފުޓުބޯޅަ އީދު މިރޭ މެކްސިކޯގައި ފަށާނެ. މި މުބާރާތް މިފަހަރު ކުރިޔަށް ގެންދަނީ މެކްސިކޯގެ އިތުރުން ކެނެޑާ އަދި އެމެރިކާގައި. ދުނިޔޭގެ ތަށްޓަށް ކުޅޭ ފުޓުބޯޅަ މުބާރާތް މިރޭ ފަށާއިރު އެ މުބާރާތުގެ ފޯރި މަޑުމަޑުން ރާއްޖެއަށް ވެސް ވަނީ ފޯރާފައި. މެޗު ބަލާ ތަންތަނުގައި ދިދަ ދަމައި ޖަރީކުރަމުން އަންނައިރު، ސަޕޯޓުކުރާ މީހުންނަށް ވިއްކާ ޖޯޒީތަކުން ސޯޝަލް މީޑިއާއަށް ވަނީ ބާރުބޮޑުވެފައި. މިފަހަރު ވޯލްޑް ކަޕުގެ މެޗުތައް ކުޅޭނީ ރާއްޖެ ގަޑިން ރޭގަނޑު 9 އާއި ހެނދުނު 9އާ ދެމެދު، އެކި ގަޑިތަކުގައި.