ރަންބީރު ކަޕޫރާއި އާލިއާ ބަޓް އަކީ ބޮލީވުޑްގައި މިހާރު އެންމެ ފާހަގަކޮށްލެވޭ އެއް ޖޯޑެވެ. މި ދެތަރިން އެކުގައި ދެން އެންމެ އަވަހަށް ފެނިގެންދާނީ އަޔާން މުކަރްޖީގެ ބްރަހްމަސްތްރާގަ އެވެ.

ދާދިފަހުން މި ދެތަރިން އެކުގައި ޝޫޓުކޮށްފައިވާ އިސްތިހާރެއްގެ ފޮޓޯވަނީ ސޯޝަލް މީޑިއާގައި އާންމުވެފަ އެވެ. ރިޕޯޓުތައް ބުނާގޮތުން އެ ދެ ތަރިން ޝޫޓުކުރަމުން ދިޔައީ ގޯރީ ޝިންދޭއާއެކު ޗިޕްސް އިސްތިހާރަކަށެވެ.

މި ޝޫޓިންގައި އާލިއާ ލައިގެން ހުރީ ފެހި ކުލައިގެ ކުރުތާ އަކާއި ފިޔާތޮށިކުލައިގެ ދޯޕައްޓާއެކެވެ. އަދި އޭނާގެ އިސްތަށިގަނޑު އޮތީ ގަތާލާފަ އެވެ.

މީގެ ކުރިން ރަންބީރު ބުނީ ކޮވިޑް-19 ޕެންޑެމިކް ނައި ނަމަ މިހާރު އެ ދެމީހުން ތިބޭނީ ކައިވެނިކޮށްގެން ކަމަށެވެ.

މި ދެތަރިންގެ ކައިވެންޏަކީ މިހާރު ބޮލީވުޑްގެ ގިނަ ފޭނުން އިންތިޒާރުކުރާ ބޮޑު ކައިވެންޏެވެ.