ނައިބު ރައީސް ފައިސަލް ނަސީމް ދަރުމަވަންތަ ހޮސްޕިޓަލްގައި އެޑްމިޓްކޮށްފި އެވެ.

ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ ނައިބު ރައީސް އެޑްމިޓްކުރީ އިއްޔެ އިރުއޮއްސުނު ވަގުތު ކަމަށެވެ.

އެމަނިކުފާނު އެޑްމިޓްކުރީ ވަރަށް ބޮޑަށް ހުން އައިސްގެން ކަމަށް އޭނާ ވިދާޅުވި އެވެ.

މަބްރޫކް ވިދާޅުވީ ނައިބު ރައީސްގެ ޓެސްޓުތައް ހަދަމުން އަންނަ ކަމަށެވެ. އަދި ކޮވިޑަށް ޓެސްޓް ކުރިއިރު ނެގަޓިވްވެފައިވާ ކަމަށް ވެސް އޭނާ ވިދާޅުވި އެވެ.

ދާދިފަހުން ނައިބު ރައީސް ވަނީ ކޮވިޑް ވެކްސިން ވެސް ޖައްސަވާފަ އެވެ.