އިމިގްރޭޝަން ގާނޫނާ ހިލާފުވެގެން ރާއްޖެއިން ބޭރަށް ފުރުވާލެވެންދެން ހުޅުމާލޭ ޑިޓެންޝަން ސެންޓަރުގައި ބަހައްޓާފައި ހުރި ބިދޭސީއަކު ފިލައިފި އެވެ.

މޯލްޑިވްސް ކަރެކްޝަންސް ސާވިސަސް އިން ބުނީ ފިލާފައިވަނީ ބަންގްލަދޭޝް އަށް ނިސްބަތްވާ އުމުރުން 32 އަހަރުގެ އަސަނާ ކިޔާ މީހެއް ކަމަށެވެ.

އޭނާ އާ ގުޅޭ އެއްވެސް މައުލޫމާތެއް ލިބިއްޖެނަމަ ކަރެކްޝަންސް ސާވިސްގެ ނަންބަރު 9886125 އަށް ރިޕޯޓުކުރުމަށް ކަރެކްޝަންސް އިން އެދެއެވެ.

އޭނާ ހޯދުމުގެ މަސައްކަތް ފުލުހުންނާ ގުޅިގެން ކަރެކްޝަންސް އިން އަންނަނީ ކުރަމުންނެވެ.